Feeds:
Artículos
Comentarios

La ñevadona

ñeve a esgaya

Bones tardes, tuve muy ocupada coles visites de los primos, los tios, los regalos de reis, …. y por eso nun  pude escrir nel blogue’til agora mesmu.

Ente les coses diverties d’estos díes, hai una mui prestosa: fice un moñecu de ñeve  y una engarradiella de boles de ñeve col mio pá, mio má, y la  mio madrina (y yo ¡¡claro!!).

el mio moñecu de ñeve
Ye una pena que güei nun pudiere salir :’cause si ayer foi LA ÑEVADONA güei foi LA XELADONA, Y taba toa la ñeve dura y’twas mui facil esbariar y esfocicase, ¡ y ’tain’tra plan !

MOUCA da la cara

¡¡ Pos eso !! que YO TAMIÉN DOI LA CARA POLA OFICIALIDÁ como los 10.000 de les semeyes de la campaña de http://www.doilacara.net.

Vémonos esti sábadu en LA POLA SIERO pa sacar la semeya 10.001 [ver programa PDF]

el trucu d’Olej

Olej’tis un neñu berrandeu que trabaya nun circu y quier ser:

magu
Olej quier ser MAGU

Olej quier ser MAGU

Pero nun-y dexen facer los sos trucos. Por exemplu el trucu de la caxa (y otros munchos más).

Cada vez que intenta entrar nel escenariu el presentador grandón del circu, échalu a caxes destemplaes.

El trucu d'Olej
Equí toi atenta a les esplicaciones de como ficieron l’actuación
Está foi l’actuación de BOSQUIMANOS KORYAK que fui a ver la selmana pasada, llámase teatru prietu (porque ta tou a escures) y foi mui prestosa. Además a la final, esplicáronnos como se fai.
Otru día más…

Hai años, nel primer día de cole de mio vida, taba mui nerviosa y nun quería llegar tarde, por eso desperté mui ceu, almorcé y fui la primera que llegó a les escueles.

Yera un día escuru, zarráu de nubes prietes, y con muncha ventolera.

Entré por primera vez nel colexu, tovía taba vacíu y yo nun conocía aquellos pasiellos llargos enllenos de puertes a un y otru lláu. Mientres caminaba despacín mirándolu tou, entamó a granizar y a tronar, y el vientu soplaba faciendo muncho más ruiu. Les lluces parpadearon y a la final apagáronse.

A tientes y muerta miéu, entré nun cuartu onde nun veía nada de nada. Cuando mas tremaba de friu y miéu, y cuando más ruiu facíen los granizos na ventana, y cuando más rellumaba la tormenta ente les rendixes de la ventana … una manu fria y delgada posose nel mio llombu.

¡Yera’l mio collaciu Güesones!… que tamién taba muertu miéu, arrequexáu naquél cuartu.

Dende esi día, Güesones vien a la mio casa tolos años a facer l’amagüestu.

Col mio collaciu Güesones

Col mio collaciu Güesones

De vuelta

Pos eso: EQUÍ toi de vuelta.

Dempués d’un llaaaaaargu branu de vacaciones nel que fice munches coses (amás de folgar na playa). Por exemplu, un día fuí ver como la mio prima facía YUDU, o otru día púnxeme en munchu peligru pa sacar una semeya pa esti blog rodiada de coruxes y ferres (¿veisme la cara de medrana?).

coruxes y ferres

coruxes y ferres

Yudu

Yudu

 

 

 

 

 

 

 

 

El casu’tis qu’entamé ya el colexu (¡¡¡ya tinía ganes!!!), asi qu’agora escribiré de xemes en cuando.

El mio colexu

El mio colexu

¡ Ah ! y nun vos escaezais de llavar bien les manos, pol rollu de la GRIPE A 🙂

CUIDÁU col gripe A

¡¡CUIDÁU cola gripe A!!

visita a FAUNIA

Les foques

Les foques

Prestome muncho FAUNIA.

De la que llegué vi un espectáculu de foques y lleones marinos mui divertíu. Un de los lleones marinos’twas mui trastu, y armábala en cuanto se despistaba la presentadora.

L'emú

L'emú

Dempués tuve viendo otros animales: pingüinos, un xardín tropical enllenu de caparines, tarántules, culiebres, esperteyos, armadillos…

Una viesca con muchos tipos de monos y de páxaros na que facíen cayer un torbón cada hora (¡¡prubinos!!). Tinieis que ver como corríen a atechase namás qu’oyíen los truenos.

Y a la final una increyible coleición d’insectos del mundu. ¡¡Nun vos podeis facer idea de la cantidá de bichos raros qu’hai perhí alantrones!!.

Tamién hubo coses mui peligroses y emocionantes, especialmente cuando un emú con cara fame nun paraba de mirame … o la escorribanda que me pegó un velociraptor enrabietáu 😉 .

Velocireptor

Velocireptor

Menos mal que a la final fíceme mui amiga d’un axolote persimpáticu:

Axolote

Axolote

Hola soi MOUCA, como vistis tampoco  pude escribir equí les pasaes selmanes’cause tuve de vacaciones.

Esperando'l tren

Esperando'l tren

engarraes pol IPOD

engarraes pol IPOD

El viaxe en tren foi peraburriu y perllargu pos foron 5 hores, nes que tuve viendo una peli  de trasgos, xugando con LUPITA, y fartucándome d’oyir música nel IPOD y de xugar cola NINTENDO.

Pero lo demás foi mui divertíu’cause tuve nel parque WARNER, ya sabéis, el de Piolín (tweety), el de Lluques el coríu (tamién conocíu por Daffy duck o Pato Lucas), Bugs Bunny, … etc. etc. (nun confundir con DISNEY, del que ya vos falaré otru día).

Prestome muncho la montaña rusa de TOM & JERRY, y por un centímetru nun pude xubime a la de mayores (que diba a una velocidá increyible), tamién foi mui prestoso xubir a les cadenes de MR.FREEZE, la cayida llibre y tamién escorrer a los malos per tou GOTHAM CITY ayudando a BATMAN.

Equí falando con Foghorn Leghorn (el gallu Cloyu)

Falando con Foghorn Leghorn (el gallu Cloyu)

Y por supuesto tirame peles catarates en barca, anque acabé pingando.

Y el mio pa dexome naguando cuando xubió a les montañes ruses de mayoronos. Eses, ¡¡ si que metíen mieu !!  xubiendo, baxando, cayendo, dando vueltes de campana, enroscándose na vía …. ¡¡yeren d’ablucar!!

Otra cosa a la que montó’l mio pa (y nun sé como s’atrevió) foi una cayida llibre de 100 metros d’alto,  y tovía baxó diciendo que “’tain’tra cayida llibre” sinon que l’aparatu puxaba d’él p’abaxu comu pa estrapallalu escontra’l suelu.

 

Güei ya tuvo bien, pal prósimu día sigo contándovos más coses de les vacaciones…